Toru Takemitsu

Takemitsu var að mest leyti sjálfmenntaður og drakk í sig áhrif frá Debussy, Webern, Stravinskí, Messiaën og Boulez áður en hann tileinkaði sér æ meira sína eigin menningarlegu arfleið. Hann fékkst við rafeindatónlist um hríð og í ,,Vocalism A-I" nýtti hann sér raddsetningaraðferðir Stockhausens. Í ,,Novemeber Steps" notar Takemitsu hina hefðbundnu japönsku biwa (hljóðfæri svipað lútu) og shakuhachi (bambusflautu) í tónlist sem, þrátt fyrir evrópskan stíl, hefur engu að síður hljómfall og form sem sprottin eru úr japanskri tónlistarhefð. Takemitsu hefur samið fjölda tónverka fyrir kvikmyndir, þar á meðal við myndina ,,Ran"(1985), þar sem kvikmyndaleikstjórinn Kurosawa náði undraverðum draumkenndum bardagasenum með því að setja inn hæga og kuldalega tónlist Takemitsus í staðinn fyrir orrustugnýinn.

Hljóðdæmi

Tónlist úr kvikmyndinni "The Face of Another"

Eins og gjörla má sjá og heyra var Takemitsu afskaplega fjölhæfur tónlistarmaður. Þessi fallegi vals var gerður fyrir kvikmyndina "The Face of Another".

Upphafstónlist úr kvikmynd japanska leikstjórans Kurosawa "Ran"

fDeila

• Fyrri
• Næsta